SEPULULIMA KALAK LULUS TEST SEMINARI I TANEH KARO NARI

Kabanjahe,Ralinggungi

      

 Ibas tahun 2014 enda lit buena sepululima kalak Anak Sekolah i Taneh Karo nari i aloken ngelanjut i Seminari Menengah Christus Sacerdos Pematang Siantar. Berita ise sidat i Seminari Menengah  nari. E maka perlu ka nge ipetangkas kami man banta kerina si ngoge Ralinggungi, sada anak sekolah si ni aloken, e me kap Repanta Ginting si asalna ibas Stasi Kandibata nari. Bagi si ni turiken Repanta Ginting, maka enggo i lakoken ujian ibas piga-piga minggu si enggo lewat, e me kap gelombang si pemena tanggal 9-12 Februari 2014, ras si peduaken tanggal 16-19 Februari 2014. Ujian enda dekahna 4 wari, i lakoken  i Seminari Menengah Atas Christus Sacerdos, Jl. Lapangan Bola Atas Pematang Siantar. Pelajaren si ujianken e me kap, Tes Akademik ( Bahasa Indonesia, Bahasa Inggris, Matematika Agama); Kesehaten, wawancara, ras kinibeluhen (IQ).

     

 Ibas si empat wari e, peserta si tandan sada ras sidebanna janah i ajari uga arusna tabiat pagi i biara adi enggo dat. Pengarapenta maka arah si enda banci erteremna pagi malimta guna pebelang kinirajan Dibata.

Gelar-gelar si ni aloken i taneh Karo nari i Seminari Menengah Atas Christus Sacerdos e, e me kap :

Paroki Maria Si Sokeliamen i Angkat ku Surga Kabanjahe:

1.Hengki Ario Putra Ginting

2.Altera  MT Barus

3.Brema Stefanus Sitanggang

4.Esan Teofilus Ginting

5.Rio Jordi Tarigan

Paroki St.Fransiskus Asisi Berastagi :

1.Maspin Haganta Ginting

2.Dicky Romero Barus

3.Yoga Makarius Ketaren

4.Agustinus Christianto Tarigan

5.Egya Ridhona Tarigan Tondang

6.Riski Pratama S Tarigan

Paroki  Petrus ras Paulus Sibadia:

1.Amri Banurea

2.Repanta Ginting

Paroki Fransiskus Asisi Tigabinanga:

1.Ira Paradigma Tarigan

2.Firdaus Depari

Selamat man bandu anak-anak kami si ni aloken i  Seminari menengah, tutus ate erlajar ras tetap erpengendes man Dibata gelah seh pagi sura-sura bage pe ermeriah ukur orang tua man rudang-rudang i tengah-tengah Gereja ras keluarga.

 
Bp Sulngam Ginting/Ralinggungi