RETRET RAS PEMILIHEN PENGURUS OMK

Reniati Regina Br Kaban/H.Ginting

Ngukuri uga ertina sekalak teman ibas kegeluhen enda man si muda denga, e jadi sada  pilihen si metahat. Erkiteken mawen-mawen banci saja salah milih teman si la pas  erbahansa jadi dampar ku si la mehuli ibas kegeluhenta. Nginget-nginget si enda e maka ibas wari Minggu, 23 Februari 2014 OMK Stasi Induk, Paroki Maria Sisokelia-men Ingkat Ku Surga Kabanjahe erbahan Retret sada wari, i Sapo Malem San Damiano Jarang-nguda Berastagi. Lakon e  iper-sada ras pemilihen Pengurus si mbaru OMK Stasi Induk Kabanjahe, gelah ikut muat bagin jadi teman Jesus ibas tugas Gereja. Lakon ibabai Pastor Albinus Ginting OFM Cap.

       Buena OMK si iku kira-kira 50 kalak. Lakon enda i bahan alu meriah, gelah si ikut la medu ngikutisa seh asa dung. E maka i umputi alu piga-piga permainen si meriah bage pe alu rende.

      Ibas lakon nuri-nuri tupung Lakon Ekaristi Sibadia lit piga-piga i turiken Pastor Albinus OFM Cap, uga kita jadi teman Jesus ibas kegeluhen tep-tep warina, sunah ngatakenca, tapi metahat ndalankenca.

 Apai denga i tengah perkuskas OMK. Umpamana: Sibuk i sekolah, Les, ras dahin bage pe masalah  si deban si la erkerin-kerin si ni man alanken. Tapi kai pe masalah e, lit sada teman si jadi penampat ibas kiniguluten mereken pergegeh bage pe mereken terang tupung kita kote. Ibas kita njadiken Jesus jadi teman, ipindo kiniteken ras kengasupen engkelengi sada ras si debanna. Bukti si tuhu-tuhu si banci si cidahken ras si dalanken, e me kap alu  tutus ate ngikutken Jesus. Sekali Katolik maka tetap Katolik, e maka tetap cikep  alu meteguh Jesus jadi teman ibas geluhta.

      Ibas pemilihen pengurus si mbaru OMK Stasi Induk Kabanjahe, si enggo terpilih, e me kap: Subiarti br Sembiring (Ketua); Alfredo Dionesius, Rika Talenta Sirait ras Asdin (Wkl Ketua); Ruth Sahayana (Sekretaris); May Yemima Reje-kinta ras Amelia pepayosa (Wakil Sekretaris); Reniati Regi-na Br Kaban (Bendahara);

ras Wakil Bendahara e me Tesalonika Pepayosa Br Tarigan ras Yolanda Lauurensia Br Perangin-angin.

Dung Pemilihen, maka Pastor Albinus Ginting OFM Cap masu-masu  ras notoken pengurus si mabaru e gelah jadi teman Jesus si banci ngelai ibas Lakon Gereja. Selamat man Pengurus si mbaru.

Ikut pe nemani OMK tupung retret enda, e me kap Pengurus OMK Stasi Induk Kabanjahe, Bp Rincan Tarigan ras Nande i tengah jabu ras Bp Oki.