OMK CUP PAROKI SPM I STASI SUKANALU

Bp. SULNGAM GINTING, SUKANALU (RALINGGUNGI).

OMK Cup Paroki SPM ilakoken ibas wari Sabtu seh Minggu tanggal 6,7 Juli 2013 i stasi Sukanalu. Lit pe temana eme: “Kalak si mereken dirina i kuasai Dibata, dat pasu-pasu ras kedamen ras Sub temana: “Gundari me paksana OMK tampil ras teridah i bas lakon Gereja si erkiniteken, mandiri ras paguh."

 Pemenan lakon i bas wari Sabtu i bahan i kesain  gereja Katolik Stasi Sukanalu. Pastor Rudi  Sitanggang Pr  menai lakon alu toto.   

         
Kenca si e, rombongen berkat   ngarakken Drum Band SMP Maria Goretti Kabanjahe niar-niar stasi Sukanalu. Seh kenca i Jambur lakon i terusken alu kata pengalo-ngalo ibas Dewan Stasi Sukanalu, Pembina Mudika Rayon Tigapanah (Bp Riko Surbakti), Pembina Mudika Paroki SPM,  Kepala Sekolah SMP Maria Goretti bage pe hiburen i bas frater nari. Dung man ciger lakon iterusken alu perlomban Ermasmur telu kalak tiap stasi. Bage ka pe perlomban masukken paku ku bas botol ras perlomban maba pipet.  Juri perlombanna, eme: Marsel Tarigan (Bp Grace), Hesron  Tarigan (Bp Sony) , Drs Jan Iswadi sembiring (Bp Ray), frater Irfantinus Tarigan ras frater Blasius Oladoren Pr.  Ibas berngina lit ka lakon seminar ras lomba perkolong-kolong.

     Wari peduaken lakon ibenaken alu lakon Ekaristi Sibadia si ipinpin pastor Rudi Sitanggang Pr. iterusken lakon perlomban Kuis,Vokal Grup bage pe Koor. Sope denga i umumken juara perlomban, maka lit kata pengalo-ngalo i bas penutupen lakon e. Kata pengalo-ngalo e me kap ibas: Mewakili Dewan Stasi Sukanalu (Roma Paulus Sembiring), Ketua Rayon Kabanjahe (Drs. Kawal Maha Apt.), Pembina Mudika paroki SPM (Bp Rincan Tarigan), Ketua Panitia (Retno Ginting), Ketua Rayon Tigapanah (Bp Mira Ginting), Mewakili DPP SPM (Ir. Markus Malau, M.Si) ras pastor Bernard Sijabat Pr. 
 

Dung kenca  kata pengalo-ngalo maka  iterusken acara si ibabai protokol: Diakon Parlin Sinaga Pr, Ika Emerita br Ginting ras Deni Ginting guna mereken kesempaten man juri ngumumken stasi si juara.

Lit pe juara-juara perlomban e, emkap:

Ermasmur:

Juara 1: Stasi Pertumbuken;

Juara 2: Stasi Dokan;

Juara 3: Stasi  Kabanjahe;

Juara harapan 1: Stasi Sukadame;

Juara harapan 2: Stasi Sukanalu;

Juara harapan 3: Stasi S u k a.

Masukken paku ku bas botol:

Juara 1: Stasi Kubu Simbelang;

Juara 2: Stasi Seberaya;

Juara 3 : Stasi Bunuraya;

Juara harapan 1: Stasi Sukanalu;

Juara harapan 2: Stasi Talimbaru;

Juara harapan 3: Stasi Ketaren.

Mbaba Pipet

Juara 1: Stasi Suka;

Juara 2: Stasi Dokan;

Juara 3: Stasi Sukadame;

Juara hrpn 1: Stasi pertumbuken;

Juara harapan 2: Stasi Kutakepar;

Juara harapan 3 : Stasi Ujung bawang.

Erkolong-kolong:

Juara 1: Stasi Pertumbuken;

Juara 2: Stasi Sukamandi;

Juara 3: Stasi Dokan;

Juara harapan 1: Stasi Suka;

Juara harapan 2: Stasi Bawang;

Juara harapan 3: Stasi Seberaya.

Tari Persembahen:

Juara 1: Stasi Pertumbuken;

Juara 2: Stasi Dokan;

Juara 3: Stasi Ketaren;

Juara hrpn 1: Stasi Kabanjahe 1;

Juara harapan 2: Stasi Cingkes;

Juara harapan 3: Stasi Sukanalu.

K u i s:

Juara 1: Stasi  Suka;

Juara 2: Stasi Bawang;

Juara 3: Stasi Rumamis;

Juara hrpn 1: Stasi Ujung Bawang

Juara harapan 2: Stasi Sukadame.

(HG).

PESTA PELINDUNG PAROKI SANTO PETRUS RAS PAULUS KABANJAHE

BP. SULNGAM GINTING, KABANJAHE

Kabanjahe, Ralinggungi (30/6)

Pesta Pelindung paroki St. Petrus ras Paulus Kabanjahe i lakoken ibas wari Minggu tanggal 30 Juni 2013 i lebe-lebe Gereja Katolik ST Petrus ras Paulus Kabanjahe. Umat si reh ku lakon e buena kira-kira 4.000 kalak. Enda me lakon pelindung si pemena, enggo kenca Paroki SPP, jayo ibas paroki SPM nari tahun 2007. Janah lakon enda enggo i rencanaken Dewan Pastoral Paroki SPP ibas pemenan tahun tupung rapat Presidium ras Paripurna.

Tema pesta e me kap: “Gelar Tuhan ateku kuberitaken, i tengah umat kupehagaken” (Masmur 19:2-3,4,5) ras  Sub Temana, eme: “Ertutus ate ras ula surut jadi saksi Kristus”. Umat ras OMK si ertugas ras kerina si pulung iarakken gendang si ipaluken Raloling Grup suka nari, ngalo-ngalo prosesi/rombongen Bapa Vikjen KAM.

E maka ibenaken me lakon Ekaristi si badia si ipnpin Vikjen KAM pastor Elias Sembiring, OFM Cap, bage pe pastor Hieronymus Simorangkir, Pr. (Rektor UNIKA ST Thomas Medan), pastor Marianus  Kedang Pr, pastor Lauren Haloho OFM Conv. ras pastor Moses Tampubolon.

Ibas nuri-nuri, i persingeti pastor Elias, maka kita pe banci ngusih St. Petrus ras Paulus ibas kegeluhenta. Rasul Paulus pernah ngatakenca: ”Kueteh man ise nge  si arus aku tek!“ Sada ingeten si la terlupaken nina Pastor Elias, e me kap, ibas tahun 1965 sangana ia tading i salah sada stasi ras Almahrum pastor Lisi.  Tupung Pastor Lisi nuri-nuri i salah sada rumah umat, maka lit terbegi sora i kesain nari, nina,”Kudin Nari Nge  Reh Na Nakan Pastor?”. Tapi Pastor Lisi la nembeh, cirem saja ia. Tole pe nina, maka Tanah Karo enda me  salah sada ingan si ertambahna umat Katolik i Keuskupan Agung Medan (KAM).  Enda teridah arah erbuena Paroki si tambah. 

Ibas acara ekaristi e, i umputi alu  Penangkunhen pengurus PPK Paroki, Rayon, Stasi ras Lingkungen. Enggo kenca dung Lakon Ekaristi Sibadia, maka lakon i umputi alu kata pengalo-ngalo. Protokol acara e me kap Roni Barus, SE (Bp Aldi) ras Netty br Ginting.  Kata pengalo-ngalo pe lit isehken: pastor Elias Sembiring, OFM Cap, Rektor UNIKA, Ketua Panitia (Masa Bangun), Danyon 125 Simbisa( Letkol Infantri Parluhutan Marpaung), pastor Paroki SPP, Ketua DPP (Antoni Bangun), mewakili FMKI (dr Marikaya Bangun). La ketadingen hiburen ibas  Junias Bravo Tarigan (Bp Tiara) , Perbapan Lingk. Jeremia, Batukarang, Kacaribu bage pe Asmika Beganding.


Enggo kenca dung perlomban koor, Nuri-nuri (Kotbah), Kuis, ras Lomba mewarnai , maka ibereken hadiah man pemenang.  Juri perlombaan  e me kap frater-frater i STT Santo Petrus Pematang Siantar nari.  Juara-juara ibas perlomban ras pertandingen lakon e me kap:
 

Koor kelompok A

Juara 1: Stasi Batukarang No. 34;

Juara 2: Stasi Batukarang No. 24;

Juara 3: Stasi Kacaribu 2;

Juara harapan 1: Stasi Tiganderket 2;

Juara hrpn 3 : Stasi Kacaribu 1.

Juara harapan 3 : Lingkungen Josapat Kabanjahe

Dirigen terbaik Kelompok A : Stasi Batukarang No.34

Koor Kelompok B

Juara 1 : Stasi Lau Simomo

Juara 2 : Stasi Sukatendel

Juara 3 : Stasi Barungkersap

Juara harapan 1 : Stasi Lingga

Juara harapan 2 : Stasi Sukababo

Juara harapan 3 : Stasi Rumah Kabanjahe

Dirigen  terbaik kelompok B : Stasi Sirumbia.

Koor Kelompok C

Juara 1: Stasi Sarimunte;

Juara 2: Stasi Ndeskati;

Dirigen terbaik kelompok C: Stasi Ndeskati.

K u i s

Juara 1: Lingkungen Bonifasius Kabanjahe;

Juara 2: Stasi Payung;

Juara 3: Stasi Lingga;

Juara harapan 1: Stasi Kandibata;

Juara harapan 2: Stasi Kacaribu;

Juara harapan 3: Stasi Singgamanik.

Nuri-nuri/Kotbah

Juara 1: Stasi Beganding;

Juara 2: Stasi Sigarang-garang;

Juara 3: Stasi Buah Raya;

Juara harapan 1: Stasi Sukababo;

Juara harapan 2: Stasi Buluh Naman;

Juara harapan 3: Stasi Batukarang

Lomba Mewarnai

Juara 1: Angel (Stasi Payung);

Juara 2: Tesa (Lingkungen Paulus A Kabanjahe);

Juara 3: Anastasia  (Stasi Sarimunte);

Juara harapan 1: Eykiel (Stasi Gurubenua);

Juara harapan 2: Doni Ivo (Stasi Lingga);

Juara harapan 3 : Ari Persadanta Bangun (Stasi Batukarang).

Juara Bola Volly Perbapan

Juara 1: Rayon Simpang Empat;

Juara 2: Rayon Munte;

Juara 3: Rayon Kabanjahe;

Juara harapan 1: Rayon Tiganderket;

Juara harapan 2: Rayon Kacaribu.

Bola Volly Pernanden

Juara 1: Rayon Kabanjahe;

Juara 2: Rayon Tiganderket;

Juara 3: Rayon Kacaribu;

Juara harapan 1: Rayon Munte;

Juara harapan 2: Rayon Simpang Empat.

Khusus i Rayon Kabanjahe, bagi si nituriken koordinator  olah raga, e me kap Drs Eddy Frans  Ginting, maka lit ka i bahan  pertandingen Bola Volly.

Juarana e me kap:

Bola Volly perbapan

Juara 1: Lingkungen Vinsensius

Juara 2: lingkungen Jeremia;

Juara 3: Lingkungen Matius.

Bola Volly Pernanden

Juara 1: Lingkungen Matius;

Juara 2: Lingkungen Valentinus;

Juara 3: Lingkungen Jeremia.

Meriah kal akap umat si reh ku lakon e si teridah arah riang ayona la lit si berjut-berjut. Pesta itutup toto pendungi ras alu majar-anjar si reh pe mulih.

PESTA PERAK Sr. KRISPINA BR TARIGAN SFD

Stasi Singa, Ralinggungi

“Kuendesken diringku man Tuhan, janah jadilah i bas aku bagi si enggo katakenNdu e” (Lukas 1:38). Enda me motto Sr. Krispina br Tarigan, SFD ibas lakon Pesta perak (25 Tahun ngkahulken bana i biara) si ni lakoken ibas wari Minggu, 7 Juli 2013 i Stasi Singa, Rayon Kacaribu.

 Ibenaken alu toto pemena si ibaba Vikep St. Jakobus Rasul Kabanjahe, RP. Ignatius Simbolon OFM Cap. i  Gereja Katolik  Stasi Singa. Jenari berkat me rombongen niar-niar Stasi Singa. I datas motor, Sr Krispina br Tarigan ras empat Pastor  i arakken umat. Umat ras anak kuta Singa si bentasi rombongen e ngiap-ngiapken tan na tanda ermeriah ukur ibas lakon e. Seh kenca iJambur Singa, rombongen i alo-alo umat, alu mburaken bunga man Sr Krispina br Tarigan SFD. Dung si e ibenaken me Lakon Ekaristi Sibadia. Ibas nuri-nuri i kataken RP. Ignatius Simbolon OFM Cap, maka kita banci bagi lilin si nerangi ibas kegelapen. Janah nina ka pe tole, “enterem jelma ersura-sura jadi suster tapi la jadi. E maka enda jadi sada kemalemen man orang tua Suster Krispina SFD.”         

Missa perayaan e tambah-tambah tunggungna sabap, ikut kalak si rende isampati  Koor PS Deo Gratias Kabanjahe ras PS Jubilate Tigabinanga (Koordinator Hasil Ginting). Acara kata pengalo-ngalo,  isehken kata  Ketua panitia, DPS Stasi Singa, DPR  Kacaribu, Vikep St Jakobus Rasul, Pastor Paroki SPP ras Tigabinanga, Susteran Fioretti, MRD ras Tigabinanga, Keluarga Suster Krispina bage pe Gereja tetangga. Sada bagin acara si mehuli ibahan Panitia ras anak beru e ije mereken nakan manuk sangkepi man Suster Krispina, SFD. (HG).

LA LIT ISTILAH NGADI SEKOLAH

Taneh Karo,Ralinggungi.

 
Presiden RI Susilo Bambang Yudhoyono ras Ibu negara Nyonya Ani Judhoyono bage pe ras rombongenna piga piga menteri bage ka pe petinggi i Sumut  reh ku Kabanjahe Kabupaten Karo Kamis (23/1) guna ngecek langsung kondisi pengongsi erupsi Gunung Sinabung  bage pe ras penanganenna erkiteken  deleng e enggo pultak janah enggo ka  lit 3 bulan lebih dekahna. 

Ibas kesempaten reh ku Taneh Karo, RI 1 mereken bantuan rikutken program-pogram si nilai rupiah na mbuena sada triliun rupiah guna penanganen pengungsi si lit buena 8 ribu lebih kepala keluarga entah pe 29.793 iwa lebih ibas 33 kuta i sekelewat Deleng Sinabung si i tempatken ibas 43 titik lokasi pengungsi termasuk salah sada emkap Paroki St Petrus- Paulus Jln Irian Kabanjahe. 

Erdandanken mbeltukna Deleng Sinabung si langa banci terpredikdi katawari ngadina, rikutken informasi si dat arah Media Center Posko Tanggap Darurat i Kabanjahe ngataken bahasa erbahanca puluhen  rumah penduduk  ceda  janah lebih kurang 10.000 ha perjuman bage pe sinuan-sinuan ikut ka n ge ceda. Asuh-asuhen kerbo entah lembu/kambing pe terpaksa idayaken murah-murah perban lanai lit pren sibanci ibuat man gagaten asuh-asuhen e.Mesui kel akap temen si jadi korban erupsi deleng e. 

E maka nina Susilo Bambang Yudhoyono sanga mereken pengarahen i bas Posko ope lenga ngenen pengungsi i Mesjid Agung Kabanjahe, GBKP Asrma Kodim Kabanjahe ras Paroki St Petrus – Paulus Kabanjahe ngarapken piga piga hal si perlu iperdiateken. 

Ibas kerehen na si pe dua kaliken e  reh ku Kabanjahe ija ibas 2010 si lewat ka pe pernah reh erdandanken peristiwa Deleng Sinabung meletus si seri ka bagi peristiwa 2013 i tegaskenna maka perlu ipikirken relokasi ras rehabilitasi korban meletus na deleng terutama man piga-piga kuta si ndeher kel i baluren deleng e janah kelanjuten sekolah/kuliah anak pengungsi pe perlu itanggulangi termasuk kesehaten. “Tidak ada istilah behernti sekolah /kuliah bagi anak-anak saudara kita akibat korban erupsi Gunung Sinabung” nina.(= anak pengongsi si sekolah/kuliah  la banci ngadi erdandanken erupsi deleng Sinabung). 

La bagi kerehenna ibas 2010 si mbarenda si ermulih, tpi ibas kerehen na si peduakaliken e Prsiden RI ras rombongenna er berngi sada berngi i Kabanjahe janah inganna i kompleks Gereja Katolik Paroki St Petrus-Paulus Jln Irian Kabanjahe tapi teridah nge petugas paspamrpres lit ije ibantu ras petugas keamanan si deban janah lokasi ilengkapi alu CCTV. 

Rombongen i alo-alo Bapa Uskup Agung Medan DR Anicetus B Sinaga Ofm.Cap ras piga-piga pastor termasuk pastor Paroki Jln Irian bage ras petugas Posko janah ope lenga bengket ku bas tenda ruang rapat si enggo ipersiapken Susilo bambang Judhoyono ras Nyonya Ani Judhoyono sempat ka ercakap-cakap man piga – piga pengungsi.

Tanggung Jawab BNPB

Kenca ngaloken data-data bage pe keterangen ras kenca nggo ngidah kondisi  masyarakat si ngongsi bagepe kondisi  Deleng Sinabung, Presiden RI Susilo Bambang Judhoyono mindo gelah kerina instansi terkait baik tingkat menteri, Gubernur Sumatera Utara ras Bupati Karo ngukurken kai-kai saja sini arus ilakoken man kalak singongsi perban erupsi deleng e ntah pe jangka pendek, menengah ras jangka panjangna.

Si enda ituriken SBY bas paksa mereken keterangan pers man wartawan ringan i Paroki St Petrus-Paulus Jln Irian Kabanjahe Jumat (24/1) ope lenga ia ras rombongen na nadingken Kabanjahe janah paksa si e ia itemani piga-piga pejabat emkap MenkoPolhumkam Djoko Suyanto,  Menko Kesra Agung Laksono, Menkes Nafsiah Mboi, Mensesneg Sudi Silalahi,Mendagri Gamawan Fauzi, Menteri ESDM Jero Wacik, Mensos Salim Segaf Al Jufrie, Menteri Pertanian Suswono, Gubernur Sumatera Utara gatot Pujo Nugroho bagepe la ketadingen Bupati Karo DR (HC)Kena Ukur Karo Jambi Surbakti.

Nina presiden, kebijakan-kebijaken si arus idalanken lit piga-piga hal ibas penanganen erupsi deleng Sinabung entah kerna kalak si ngongsi bagepe kai si arusna ibahan erdandanken bencana siterjadi perban erupsi deleng e.

Sipemena  nina presiden emkap gelah min  bantuan man kalak si ngongsi e arus itingkatken amin gia kegiatan aktipitas erupsi deleng e sitik enggo menurun sue ras data-data analisis vulkanologi amin na gia kerna ndigan ngadina erupsi e langa bo lit kepastin na katawari .Sipeduaken ka ikataken kebutuhen man kalak si ngongsi e ibas dua bulan enda nari pe arus isediaken ntah e bantuan logistikna, bantuan kesehaten ras kebutuhen kalak si ngongsi e  seh ku bulan Maret ija irapken erupsi deleng e enggo min ngadi. “Ini semua akan dilaksanakan oleh Badan Nasional Penanggulangan Bencana (BNPB) dengan dukungan Pemkab Karo dan Propinsi Sumatera Utara” nina.( si enda jadi tanggung jawab BPNPB ngaturkenca janah idukung Pemkab Karo bage pe Pemprop Sumatera Utara)

Kerna uga kondisi warga si tading i radius 3 km arah Deleng Sinabung nari, Susilo Bambang Judhoyono mereken solusi gelah warga min nggit i relokasi pemukimenna si irencanaken 15 ha  man lebih kurang 900 kepala keluarga janah inganna i radius 6 – 8 km arah puncak deleng sinabung.  Tapi adi kerna  perjuman banci nge tetap i perjumai  aminna gia deleng e tetapnge status na jadi deleng si lit apina.

Guna si e nina Susilo Bambang Judhoyo nambahisa, si enda nina iperluken waktu  2 – 3 tahun dekahna  segelah erdalan sue ras perencanaan  si terprogram. E maka ngelakokenca si e kerina jadi tugas ras tanggungjawab BNPB si ipimpin Syamsul Ma’arif  ibantu Kasdam I/Bukit Barisan, Kementerian/Lembaga, Gubsu ras Pemkab Karo gelah penanganen erupsi deleng sinabung e banci erdalan mehuli.         Kerna biaya pendidikan anak-anak pengongsi pe tetap nge iprdiateken Susilo Bambang Judhoyono ija nina ibreken nge bea siswa mulai tingkat SD she ku jenjang perguruan tinggi bage nge kerna program Padat Karya pe jadi sada program ka man kepala keluarga janah guna pengelolaan juma , perkebunen ntahpe peternakan ibreken bantuan permodalen alu kredit arah lembaga keuangan nari. 

by  justianus purba.